துயர் பகிர்வு - பொன்னையா ஜெயவிந்தன் (விந்தன்)

உசனைப் பிறப்பிடமாகவும் கனடாவை வதிவிடமாகவும்கொண்ட பொன்னையா ஜெயவிந்தன் (விந்தன்) வியாழக்கிழமை, January 8, 2026 அன்று கனடாவில் இறைவனடி சேர்ந்தார்.

அன்னார் காலம் சென்ற பொன்னையா நாகேசுவரி தம்பதிகளின் மகனும்,

காலம் சென்ற இணுவில் மேற்கு செட்டிவளவு இராமநாதன் கண்மனிஅம்மா தம்பதிகளின் மருமகனும்,

நிர்மலாவின் (மாலா) கணவரும்,

நியானி மற்றும் சனோயனின் அப்பாவும்,

மகிந்தன், கீதா மற்றும் காலம் சென்ற நிசந்தன், காந்தி ஆகியோரின் சகோதரரும் ஆவர்.

அன்னாரின் இறுதி நிகழ்வுகள் விபரம்

VISITATION:
Sunday, January 11, 2026 From 5:00 pm to 9:00 pm
Monday, January 12, 2026 From 12:00 pm to 2:00 pm

FUNERAL SERVICE:
Monday, January 12, 2026
From 2:00 pm to 4:00 pm

At:
Chapel Ridge Funeral Home
8911 Woodbine Avenue
Markham, L3R 5G1, ON, Canada

CREMATION & WITNESSING:
Monday, January 12, 2026
From 4:30 pm to 5:00 pm
At
North Toronto Crematorium Inc.
2 Stalwart Industrial Drive
Gormley, L0H 1G0, ON, Canada

அன்னாரின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்திக்கிறது. அன்னாரின் பிரிவால் துயருற்றிருக்கும் மனைவி, பிள்ளைகள் மற்றும் குடும்பத்தினருக்கு ஆழ்ந்த அனுதாபங்களையும் தெரிவிக்கிறது.

துயர் பகிர்வு - துஷ்யந்தி மிகுந்தன்

உசனைப் பிறப்பிடமாகவும், 49/4 மணல்தறை லேன், கந்தர்மடத்தை வதிவிடமாகவும் கொண்ட யாழ்ப்பாணப் பல்கலைக்கழக விவசாய பொறியியல் பேராசிரியை திருமதி துஷ்யந்தி மிகுந்தன் அவர்கள் November 23, 2025 அன்று இறைவனடி எய்தினார்.

அன்னார் அமரர்களான பேரம்பலம் தெய்வானைப்பிள்ளை (தங்கமா ஆசிரியை) அவர்களின் அன்பு மகளும்,

பேராசிரியர் கு. மிகுந்தன் (விவசாய பீடம், யாழ்ப்பாணப் பல்கலைக் கழகம்) அவர்களின் பாசமிகு மனைவியும்,

அரவிந்தன், ரகுவிந்தன், வினோவிந்தன், ஆகியோரின் பாசமிகு சகோதரியும்,

வைத்தியர் மிதுறிகா, (Registrar, NCTH), பொறியியலாளர் துமிலன் (மென்பொறியியலாளர் WSO2) , வைத்தியர் வக்சலன் (யாழ் வைத்தியசாலை) ஆகியோரின் பாசமிகு தாயாரும்,

திவாகரன் (SR Nephrology, கொழும்பு தேசிய வைத்தியசாலை), மாதங்கி (விரிவுரையாளர் கொழும்பு பல்கலைக்கழகம்), வைத்தியர் யோகினி (சிறிவர்தனபுர வைத்தியசாலை) ஆகியோரின் மாமியாருமாவார்.

அன்னாரின் இறுதிக் கிரியை திங்கட்கிழமை, November 24, 2025 அன்று பகல் 11 மணியளவில் அமரரின் இல்லத்தில் நடைபெற்று பூதவுடல் அஞ்சலிக்காக யாழ்ப்பாணப் பல்கலைக்கழகத்தில் பிற்பகல் 1:30 இற்கு வைக்கப்பட்டு பின்னர் 3 மணியளவில் கொக்குவில் இந்து மயானத்தில் தகனம் செய்யப்படும்.

இத்தகவலை உற்றார், உறவினர் நண்பர்கள் அனைவரும் ஏற்றுக்கொள்ளுமாறு கேட்டுக்கொள்ளப்படுகிறார்கள்.

தகவல்
குடும்பத்தினர்.
+94718475539

அமரர் துஷ்யந்தி அவர்களின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்த்திக்கிறது. அன்னாரின் கணவன், பிள்ளைகள், மருமக்கள் மற்றும் உறவினர்களுக்கு ஆழ்ந்த அனுதாபங்களைத் தெரிவித்துக்கொள்கிறது.

துயர் பகிர்வு - குகதாசன் சிவதாசன்

உசனைப் பிறப்பிடமாகவும், ஓட்டுமடத்தை வசிப்பிடமாகவும் கொண்ட குகதாசன் சிவதாசன் அவர்கள் வெள்ளிக்கிழமை, October 10, 2025 அன்று சிவபதமடைந்தார்.

அன்னார் காலஞ்சென்ற குகதாசன் - சிவபாக்கியம் தம்பதிகளின் மூத்த மகனும்,

காலஞ்சென்ற இராசதுரை - சிவயோகம் தம்பதியரின் மருமகனும்,

காலஞ்சென்ற சிவதாசன் லோகேஸ்வரி அவர்களின் பாசமிகு கணவரும்,

நிலக்கசனின் பாசமிகு தந்தையும்,

கமலதாசஸ், காலஞ்சென்ற ஈசன் மற்றும் விமலதாஸ் ஆகியூரின் சகோதரனும்,

காலாவதி, சத்தியவதி, வதனி, செந்தமிழ்செல்வி, இரஞ்சிதமலர், காலஞ்சென்றவர்களான சாந்தநாயகி, இரத்தினேஸ்வரன் ஆகியோரின் மைத்துனரும் ஆவார்.

அன்னாரின் இறுதிக்கிரியைகள் ஞாயிற்றுக்கிழமை, October 12, 2025 காலை 7 மணியளவில் அவரின் இல்லத்தில் நடைபெற்று, பூதவுடல் தகனக்கிரியைக்காக 9 மணியளவில் கோம்பயன்மணல் இந்து மயானத்திற்கு எடுத்துச் செல்லப்படும்.

உற்றார், உறவினர் நண்பர்கள் அனைவரும் இவ்வறிவித்தலை ஏற்றுக்கொள்ளுமாறு கேட்டுக்கொள்கிறோம்.

தகவல்
குடும்பத்தினர்

சிவபதமடைந்த சிவதாசன் அவர்களின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்த்திக்கிறது. அன்னாரின் குடும்ப உறுப்பினர்களுக்கு ஆழ்ந்த அனுதாபங்களைத் தெரிவித்துக்கொள்கிறது.

சந்திப்போம், வாருங்கள்!

25 வருட காலப் பயணம்.
செய்தவை பல.
இன்னும் செய்ய வேண்டியவை ஏராளம்.
இதுவரை சேர்ந்தே பயணித்தோம்.
இனியும் அப்படியே.

உங்கள் பங்களிப்பைக் கொண்டாடும் தருணமிது.
தவறவிடாது வந்துவிடுங்கள்.
மண்டபத்தை நிறைத்து வரலாறு படைக்க வாருங்கள்!
கூடி மகிழ்ந்து குதூகலிக்க வாருங்கள்!
முத்தமிழையும் சுவைக்க முந்தியடித்து வாருங்கள்!

Saturday, December 20, 2025

J&J Buroak Banquet Hall
50 Anderson Avenue, Markham, L6E 1A5
(Closest intersection Markham Road and Buroak Avenue)

சரியாக மாலை 6 மணிக்கு.

25 வருட காலச் சேவையை இனிதே கொண்டாடுவோம்!

நன்றி!

உசன் ஐக்கிய மக்கள் ஒன்றியம் - கனடா

சந்திப்போமா?

உசன் கதை பேசி, உறவுகளுடன் சிரித்து மகிழ மீண்டும் ஒரு சந்தர்ப்பம்!

மார்க்கழிக் குளிரில் மனது மயக்கும் இன்னிசை கானங்களுடன் ஊர் உணவு உண்டு , உறவுகளைக் கண்டுகளிக்க வாருங்கள்!.

ஆடலும், பாடலும், அணிசேர் நடனங்களும் மொத்தமாய் மகிழ்ச்சியில் மூழ்கித் திளைத்திட அனைவரையும் அன்புடன் அழைக்கிறோம்!

உங்கள் வருகை எங்கள் ஊர் பெருமை பேசட்டும்!

கனடா வாழ் உசன் மக்களை அன்புடன் அழைக்கிறோம்! ஊருக்காக ஒன்றுபடுவோம்.!

விபரங்கள் விரைவில்.....

நிர்வாகசபை
உசன் ஐக்கிய மக்கள் ஒன்றியம் - கனடா