பொதுக் கூட்டமும் கோடைகால ஒன்றுகூடலும்

அன்பார்ந்த கனடா வாழ் உசன் மக்களே!

உசன் ஐக்கிய மக்கள் ஒன்றியம் - கனடாவின் பொதுக்கூட்டமும் கோடைகால ஒன்றுகூடலும் September 19, 2026, சனிக்கிழமை அன்று 1555 Neilson Road, Scarborough, M1B 5Z7, ON, Canada என்ற முகவரியில் அமைந்திருக்கும் Neilson Park ல் நடைபெறவுள்ளது என்பதை அறியத் தருகிறோம்! இந்த வருடாந்த நிகழ்வில் கலந்து சிறப்பிக்குமாறு அனைவரையும் அன்புடன் அழைக்கிறோம்!

நிகழ்வு காலை 10 மணிக்கு ஆரம்பமாகும். கடந்த காலங்களில் நிர்வாகசபை உறுப்பினர்களே நேரத்துக்கு வந்து ஆரம்ப வேலைகளைச் செய்வார்கள். இந்த வருடம் பொதுச் சபை உறுப்பினர்களையும் நேரத்துக்கே வந்து உங்கள் கடமையைச் செய்யுமாறு வேண்டுகிறோம்.

பொதுக்கூட்டம் பிற்பகல் 1 மணியளவில் ஆரம்பமாகும்.

அனேகமானோர் இதுவரை ஒன்றியத்தில் அங்கத்தவர்களாக இல்லாமல் இருக்கிறீர்கள். அங்கத்தவர் அல்லாதோர் விரைவாக அங்கத்தவராகுமாறு வேண்டுகிறோம். உசன் ஐக்கிய மக்கள் ஒன்றியம் - கனடாவின் அங்கத்துவக் காலம் June 1 ஆம் திகதியிலிருந்து May 31 ஆம் திகதிவரை என்பதைக் கவனத்தில்கொள்ளவும்.

உசன் ஐக்கிய மக்கள் ஒன்றியம் - கனடாவின் வளர்ச்சிக்கும் இந்த நிகழ்வை மேலும் சிறப்பாக்குவது குறித்தும் உங்கள் அனைவரினதும் ஆலோசனைகளை எதிர்பார்க்கிறோம். உங்கள் ஆலோசனைகளை secretary@usan.ca என்ற மின்னஞ்சல் முகவரிக்கு அனுப்பிவைக்கவும் அல்லது தற்போதைய நிவாகசபை உறுப்பினர் ஒருவரிடம் தெரிவிக்கவும்.

ஊரோடும், உறவுகளோடும், நண்பர்களோடும் ஒன்றாகக் கூடி மகிழ்ந்திருக்க வாருங்கள். உசன் ஐக்கிய மக்கள் ஒன்றியம் - கனடாவின் கோடைகால ஒன்றுகூடலில் சங்கமிப்போம்.

பொதுக்கூட்டமும் கோடைகால ஒன்றுகூடலும்

அன்பார்ந்த கனடா வாழ் உசன் மக்களே!

உசன் ஐக்கிய மக்கள் ஒன்றியம் - கனடாவின் பொதுக்கூட்டமும் கோடைகால ஒன்றுகூடலும் September 19, 2026, சனிக்கிழமை அன்று 1555 Neilson Road, Scarborough, M1B 5Z7, ON, Canada என்ற முகவரியில் அமைந்திருக்கும் Neilson Park ல் நடைபெறவுள்ளது என்பதை ஆர்வமுள்ளவர்களுக்கு அறியத் தருகிறோம்! இந்த வருடாந்த நிகழ்வில் கலந்து சிறப்பிக்குமாறு அனைவரையும் அன்புடன் அழைக்கிறோம்!

பொதுக்கூட்டம் பிற்பகல் 1 மணியளவில் ஆரம்பமாகும்.

பொதுக்கூட்டத்தைத் தொடர்ந்து ஒன்றியத்தின் கோடைகால ஒன்றுகூடல் இடம்பெறும்.

அனேகமானோர் இதுவரை ஒன்றியத்தில் அங்கத்தவர்களாக இல்லாமல் இருக்கிறீர்கள். அங்கத்தவர் அல்லாதோர் விரைவாக அங்கத்தவராகுமாறு வேண்டுகிறோம். உசன் ஐக்கிய மக்கள் ஒன்றியம் - கனடாவின் அங்கத்துவக் காலம் July 1 ஆம் திகதியிலிருந்து June 30 ஆம் திகதிவரை என்பதைக் கவனத்தில்கொள்ளவும்.

உசன் ஐக்கிய மக்கள் ஒன்றியம் - கனடாவின் வளர்ச்சிக்கு உங்கள் அனைவரினதும் ஆலோசனைகளை எதிர்பார்க்கிறோம். உங்கள் ஆலோசனைகளை secretary@usan.ca என்ற மின்னஞ்சல் முகவரிக்கு அனுப்பிவைக்கவும் அல்லது தற்போதைய நிவாகசபை உறுப்பினர் ஒருவரிடம் தெரிவிக்கலாம்.

ஊரோடும், உறவுகளோடும், நண்பர்களோடும் ஒன்றாகக் கூடி மகிழ்ந்திருக்க வாருங்கள். உசன் ஐக்கிய மக்கள் ஒன்றியம் - கனடாவின் கோடைகால ஒன்றுகூடலில் சங்கமிப்போம்.

சந்திப்போம், வாருங்கள்!

25 வருட காலப் பயணம்.
செய்தவை பல.
இன்னும் செய்ய வேண்டியவை ஏராளம்.
இதுவரை சேர்ந்தே பயணித்தோம்.
இனியும் அப்படியே.

உங்கள் பங்களிப்பைக் கொண்டாடும் தருணமிது.
தவறவிடாது வந்துவிடுங்கள்.
மண்டபத்தை நிறைத்து வரலாறு படைக்க வாருங்கள்!
கூடி மகிழ்ந்து குதூகலிக்க வாருங்கள்!
முத்தமிழையும் சுவைக்க முந்தியடித்து வாருங்கள்!

Saturday, December 20, 2025

J&J Buroak Banquet Hall
50 Anderson Avenue, Markham, L6E 1A5
(Closest intersection Markham Road and Buroak Avenue)

சரியாக மாலை 6 மணிக்கு.

25 வருட காலச் சேவையை இனிதே கொண்டாடுவோம்!

நன்றி!

உசன் ஐக்கிய மக்கள் ஒன்றியம் - கனடா

சந்திப்போமா?

உசன் கதை பேசி, உறவுகளுடன் சிரித்து மகிழ மீண்டும் ஒரு சந்தர்ப்பம்!

மார்க்கழிக் குளிரில் மனது மயக்கும் இன்னிசை கானங்களுடன் ஊர் உணவு உண்டு , உறவுகளைக் கண்டுகளிக்க வாருங்கள்!.

ஆடலும், பாடலும், அணிசேர் நடனங்களும் மொத்தமாய் மகிழ்ச்சியில் மூழ்கித் திளைத்திட அனைவரையும் அன்புடன் அழைக்கிறோம்!

உங்கள் வருகை எங்கள் ஊர் பெருமை பேசட்டும்!

கனடா வாழ் உசன் மக்களை அன்புடன் அழைக்கிறோம்! ஊருக்காக ஒன்றுபடுவோம்.!

விபரங்கள் விரைவில்.....

நிர்வாகசபை
உசன் ஐக்கிய மக்கள் ஒன்றியம் - கனடா

அன்பார்ந்த கனடா வாழ் உசன் மக்களே!

உசன் ஐக்கிய மக்கள் ஒன்றியம் - கனடாவின் பொதுக்கூட்டம் June 29, 2025, ஞாயிற்றுக்கிழமை அன்று 1555 Neilson Road, Scarborough, M1B 5Z7, ON, Canada என்ற முகவரியில் அமைந்திருக்கும் Neilson Park ல் நடைபெறவுள்ள கோடைகால ஒன்றுகூடலில் இடம்பெறவுள்ளது. மாதாந்த மற்றும் வருடாந்த அங்கத்துவப் பணம் செலுத்தும் உறுப்பினர்கள் இந்தப் பதிவை அழைப்பாகவேற்றுப் பொதுக்கூட்டத்தில் கலந்துகொள்ளுமாறு கேட்டுக்கொள்கிறோம்.  அங்கத்தவரல்லாத ஏனைய உசன் மக்களையும் இந்தப் பொதுக்கூட்டத்தில் பங்குகொள்ளுமாறு அழைக்கிறோம். மிகக்குறைவான உசன் மக்களே தற்போது அங்கத்தவர்களாக உள்ளனர் என்பது கவலைக்குரியது. அனைவரையும் அங்கத்தவராகுமாறு அன்போடு வேண்டுகிறோம்.  அங்கத்துவக் காலம் July 1 ஆம் திகதியிலிருந்து  அடுத்த வருடம் June 30 ஆம் திகதிவரை என்பதைக் கவனத்தில்கொள்ளவும். 

தற்போதைய நிர்வாகசபையின் ஆயுட்காலம் முடிவுக்கு வரும் நிலையில் அடுத்துவரும் மூன்று வருடங்களுக்கான புதிய நிர்வாகசபை இந்தப் பொதுக்கூட்டத்தில் தெரிவு செய்யப்படவுள்ளது.

கனடாவாழ் உசன் மக்களின் மகிழ்ச்சிக்கும், உசன் மண்ணின் வளர்ச்சிக்கும் உழைக்கக்கூடிய, சமூக சேவையில் ஆர்வமுள்ள அனைவரையும் புதிய நிர்வாகசபையில் இணைந்து முன்னேற்றகரமான மாற்றத்தைக் கொண்டுவர முன்வருமாறு வேண்டுகிறோம். குறிப்பாக இளைய தலைமுறையினரை ஊக்குவித்து அழைத்துவருமாறு பெரியவர்களை வேண்டுகிறோம்.

இந்த நிர்வாகசபை 11 உறுப்பினர்ககளைக் கொண்டது. நிர்வாகசபையில் உள்வாங்கப்படுவதற்கும், வாக்களிப்பதற்கும் உசன் ஐக்கிய மக்கள் ஒன்றியம் - கனடாவில் குறைந்தபட்சம் கடந்த ஒரு வருடமாவது அங்கத்தவராக இருக்கவேண்டும்.

புதிய நிர்வாகசபைக்குப் பெயர்ப்பட்டியல் சமர்ப்பிக்க விரும்பும் உறுப்பினர்கள் யாப்புக்கு அமைவாக 11 உறுப்பினர்களைக் கொண்ட குழுவாகப் பெயர்ப் பட்டியலைத் தயார்செய்து சமர்ப்பிக்குமாறு வேண்டுகிறோம்.  அந்தப் பட்டியலை secretary@usan.ca என்ற மின்னஞ்சல் முகவரிக்குப் பொதுக்கூட்டத்துக்கு முன்பே அனுப்பிவைத்தால் அதனைப் பகிரங்கப்பத்த முடியும்.  ஒன்றுக்கு மேற்பட்ட குழுக்களின் பெயர்ப்பட்டியல் சமர்ப்பிக்கப்படுமிடத்து உறுப்பினர்களின் வாக்கெடுப்புக்கு விடப்பட்டு அதிக வாக்குகள் பெறும் குழு தெரிவு செய்யப்படும்.

மேலும் Usan Foundation எமது கிராமத்தின் முன்னேற்றத்தில் முக்கிய பங்கு வகிப்பது நீங்கள் அனைவரும் அறிந்ததே. உசன் ஐக்கிய மக்கள் ஒன்றியம் - கனடாவும் Usan Foundation இன் ஓரங்கமாகவிருந்து எமது கிராமத்தின் முன்னேற்றத்துக்கு உதவி வருகிறது. எனவே புதிய நிர்வாக சபையில் இணையவிரும்புகிறவர்கள் Usan Foundation உடன் சேர்ந்து செயற்படக்கூடியவர்களாக இருப்பது விரும்பத்தக்கது. 

பொதுக்கூட்டம் பிற்பகல் 1 மணியளவில் ஆரம்பமாகும்.

உசன் ஐக்கிய மக்கள் ஒன்றியம் - கனடாவின் வளர்ச்சிக்கு உங்கள் அனைவரினதும் ஆலோசனைகளை எதிர்பார்க்கிறோம். உங்கள் ஆலோசனைகளை secretary@usan.ca என்ற மின்னஞ்சல் முகவரிக்கு அனுப்பிவைக்கவும்.  அல்லது தற்போதைய நிவாகசபை உறுப்பினர் ஒருவரிடம் தெரிவிக்கலாம்.

பொதுக்கூட்டத்தைத் தொடர்ந்து ஒன்றியத்தின் கோடைகால ஒன்றுகூடல் இடம்பெறும்.  ஊரோடும், உறவுகளோடும், நண்பர்களோடும் ஒன்றாகக் கூடி மகிழ்ந்திருக்க வாருங்கள். உசன் ஐக்கிய மக்கள் ஒன்றியம் - கனடாவின் கோடைகால ஒன்றுகூடலில் சங்கமிப்போம்!

நன்றி.

நிர்வாகசபை

உசன் ஐக்கிய மக்கள் ஒன்றியம் - கனடா

துயர் பகிர்வு - அருள்சோதி செல்வநாயகம்

உசனைச் சேர்ந்த திருமதி அருள்சோதி செல்வநாயகம் (சோதி aunty) அவர்கள் ஞாயிற்றுக்கிழமை, May 11, 2025 அன்று நித்திய இளைப்பாற்றியை அடைந்தார்.

முன்னைநாள் மிருசுவில் புகையிரத நிலைய அதிபர் காலஞ்சென்ற Joseph செல்வநாயகம் அவர்களின் பாசமிகு மனைவியான இவர் Tissa, காலஞ்சென்ற Dana மற்றும் Wigna ஆகியோரின் அன்புத் தாயாரும், Vasanthy, Anto ஆகியோரின் மதிப்புமிகு மாமியாரும் ஆவார்.

இவர் உசன் மாதர் அபிவிருத்திச் சங்கத்தின் முன்னாள் செயலாளராவார்.  இவருடைய காலத்திலேயே முதல்முறையாக இலங்கைப் போக்குவரத்துச் சபையின் உசனுக்கான சேவை ஆரம்பித்துவைக்கப்பட்டது.  அத்தோடு பெண்களின் வாழ்வாதாரத்தை உயர்த்தும் முயற்சியாக உசனில் தையல் பயிற்சி நிலையம் நடாத்தப்பட்டதும் நினைவுகூரத்தக்கது. ஒரு முன்பள்ளி ஆசிரியரான இவர் தனது வீட்டிலேயே முன்பள்ளியை நடாத்தி பல குழந்தைளின் வாழ்வில் ஒளியேற்றினார்.

பேரப்பிள்ளைகள், பூட்டப்பிள்ளைகளோடு சுதந்திரமான, மகிழ்வான வாழ்க்கையை வாழ்ந்த இவர் இம்மண்ணிலிருந்து விடைபெற்று விண்ணுலகம் சென்றது எம்மையெல்லாம் ஆழ்ந்த துயரத்தில் ஆழ்த்தியுள்ளது.

அன்னாரின் ஆன்மா நித்திய இளைப்பாற்றியை அடைய உசன் ஐக்கிய மக்கள் ஒன்றியம் - கனடா  பிரார்த்திப்பதோடு, அன்னாரின் பிரிவால் துயருற்றிருக்கும் பிள்ளைகள், மருமக்கள் மற்றும் குடும்ப உறுப்பினர்கள் அனைவருக்கும் அனுதாபங்களையும் தெரிவித்துக்கொள்கிறது.

அன்னாரின் இறுதி நிகழ்வுகளின் விபரம்:

இறுதி மரியாதை செலுத்துதல்

வெள்ளிக்கிழமை, May 16, 2025 மாலை 5 மணி முதல் மாலை 9 மணிவரை

சனிக்கிழமை, May 17, 2025 காலை 8 மணி முதல் 9:30 மணி வரை

இடம்:

Brampton Crematorium & Visitation Centre

30 Bramwin Court, Brampton, L6T 5G2, ON, Canada

இறுதி ஆராதனை

சனிக்கிழமை, May 17, 2025 காலை 10:30 மணி

Our Lady of the Airways Parish

7411 Darcel Avenue, Mississauga, L4T 2X5, ON, Canada

நல்லடக்கம்

Assumption Catholic Cemetary

6933 Tomken Road, Mississauga, L5T 1N4, ON, Canada

நினைவு விருந்து

JC's Grill House

1500 Matheson Blvd., Mississauga, L4W 3Z4, ON Canada

அன்னாரின் இறுதி நிகழ்வுகளைப் பின்வரும் இணைப்பில் பார்க்கலாம்.

https://app.funerallive.ca/funerals/BCVC-ArulsothiCecil-Selvanayagam-8032119629

பரத நாட்டிய அரங்கேற்றம் - மாதுமை பற்குணரஞ்ஜன்

பாரதி இந்திய சாஸ்திரிய நடனக் கல்லூரி அதிபர், நாட்டிய பூரணா, பரதகலா வித்தகர், நாட்டிய சிரோன்மணி ஸ்ரீமதி சியாமா தயாளன் அவர்களின் மாணவி மாதுமை பற்குணரஞ்ஜன் அவர்களின் பரத நாட்டிய அரங்கேற்றம் சனிக்கிழமை, September 7, 2024 அன்று 5183 Sheppard Ave E, Scarborough, ON M1B 5Z5, ON, Canada என்ற முகவரியில் அமைந்திருக்கும் Chinese Cultural Centre of Greater Toronto மண்டபத்தில் இடம்பெற உள்ளது.

மாலை 4:30 மணிக்கு சிற்றுண்டிகள் வழங்கப்படும்.  அரங்கேற்றம் சரியாக மாலை 5:30 மணிக்கு ஆரம்பமாகும்.  

இந்த நிகழ்வில் கலந்து சிறப்பிக்குமாறு சியாமா தயாளன் அவர்கள் உசன் மக்கள் அனைவரையும் அன்புடன் அழைக்கிறார்.

மாதுமைக்கு  வாழ்த்து கூறும் அதேவேளை இந்த அரங்கேற்றம் சிறப்பாக நடந்தேறி மாதுமை நடன உலகில் பிரகாசிக்க உசன் ஐக்கிய மக்கள் ஒன்றியம் - கனடா வாழ்த்தி நிற்கிறது.  மாதுமையின் குரு சியாமா தயாளன் அவர்களின் கலைச் சேவையையும் உசன் ஐக்கிய மக்கள் ஒன்றியம் - கனடா பாராட்டுகிறது.

The Bhaarati School of Indian Classical Dance personally invites you to grace your presence at the arangetram of Mathumai Patkunaranjan on September 7th, 2024 at the Chinese Cultural Centre. Mathumai has put a tremendous amount of effort for this performance and is excited to share the next step of her dance journey with you. It would be an honour to have the blessings of your presence on this auspicious day. 

Date and Venue:

Saturday, September 7th, 2024 at 5:30 pm

(Refreshments are served from 4:30 pm to 5:30 pm).

Chinese Cultural Centre of Greater Toronto 

5183 Sheppard Ave E, 

Scarborough, ON M1B 5Z5

United People Association of Usan in Canada wishes Mathumai for a blissful event and her continued success in the future! We also wishes her Guru Shiyama Thayaalan for her methodical teaching producing talented dancers.

"லய பரதம்"

பாரதி இந்திய சாஸ்திரிய நடனக் கல்லூரி பெருமையுடன் வழங்கும் "லய பரதம்" நடன நிகழ்வு May 12th, 2024, ஞாயிற்றுக்கிழமை அன்று சிறப்பாக இடம்பெறவுள்ளது. 1785 Finch Ave W, Toronto, ON M3N 1M6, Canada என்ற முகவரியில் அமைந்திருக்கும் York Woods Library Theater இல் சரியாக மாலை 4 மணிக்கு இந்த நிகழ்வு ஆரம்பமாகும். சிற்றுண்டிகள் மாலை 3 மணியிலிருந்து 4 மணி வரை வழங்கப்படும்.

இந்த நிகழ்வு பாரதி இந்திய சாஸ்திரிய நடனக் கல்லூரி அதிபர், பரத கலா வித்தகர், நாட்டிய பூரணா, திருமதி சியாமா தயாளன் அவர்களின் தயாரிப்பு, நெறியாள்கையில் இடம்பெற உள்ளது.

நாட்டியக்கலைஞர்களின் அதீத முயற்சியால் ஒரு பிரமாண்டமான நிகழ்வாக இது அமைகின்றது.

பிரபலமான பக்கவாத்தியக் கலைஞர்களின் பங்களிப்பு நிகழ்வை மேலும் சிறப்பிக்கும்.

இந்த நிகழ்வில் கலந்து சிறப்பிக்குமாறு திருமதி சியாமா தயாளன் அவர்களும் லய பரதம் கலைஞர்களும் உங்கள் அனைவரையும் அன்போடு அழைக்கின்றனர்.

இந்த நடன விருந்தில் கலந்து மகிழுமாறு உசன் மக்களை வேண்டிநிற்கும் அதே வேளை

"லய பரதம்" சிறப்பாக நடைபெற உசன் ஐக்கிய மக்கள் ஒன்றியம் - கனடா வாழ்த்துகின்றது.

Vanakkam,

Bhaarati School of Indian Classical Dance is delighted to invite you to LAYA BHARATHAM, on May 12th, 2024. The Laya Bharatham team would be honoured by your presence on the day of the performance.

Our dancers have put in a tremendous amount of effort to present this event.

Date and Venue:

Sunday, May 12th, 2024 at 4:00pm

(Refreshments are served from 3:00 pm to 4:00)

York Woods Library Theater

1785 Finch Ave W, Toronto, ON M3N 1M6

United People Association of Usan in Canada extends it's wishes to the talented artists and their guru Srimathi Shiyama Thayaalan and invites all Usan people to enjoy this showcase of dance.

உசன் கஜகேணி விநாயகர் கோவில் மகா கும்பாபிசேகம் - நேரலை

திருவருள்மிகு ஸ்ரீ கஜகேணி விநாயகர் திருக்கோயில் புனராவர்த்தன பிரதிஸ்டா மஹகும்பாபிஷேக விஞ்ஞாபனம் - நேரலையாக இந்தத் தளத்தில் பார்த்து அருள் பெறலாம்.

https://youtube.com/live/IA4ZbxZN3S4?feature=share

காலம்: புதன்கிழமை, March 27, 2024, காலை 6 மணி IST (இலங்கை); செவ்வாய்க்கிழமை, March 26, 2024 மலை 8:30 மணி EDT (Toronto).

துயர் பகிர்வு - கந்தையா பேரம்பலம்

உசன் இராமநாதன் மகாவித்தியாலயத்தின் முன்னாள் அதிபரும், ஓய்வுபெற்ற உதவிக் கல்விப் பணிப்பாளரும், உசன் பற்றாளரும் ஆகிய மதிப்புக்குரிய க. பேரம்பலம் அவர்கள் March 16, 2024, சனிக்கிழமையன்று இயற்கையெய்தினார்.

அன்னார் முகமாலையைப் பிறப்பிடமாகவும், உசன் மற்றும் திருநெல்வேலி ஆகிய இடங்களை வதிவிடமாகவும் கொண்டிருந்தார்.

"வளம் கொழிக்க உளம் செழிக்கும் உசன் வரலாறு" என்ற உசன் குறித்த முதலாவது நூலின் ஆசிரியரும் இவரே.

அன்னாரின் இறுதி நிகழ்வு March 17, 2024, ஞாயிறுக்கிழமை மாலை 3 மணியளவில் திருநெல்வேலியில் உள்ள அன்னாரின் இல்லத்தில் நடைபெற்று கொக்குவில் இந்து மயானத்தில் பூதவுடல் தகனம்செய்யப்படும்.

இவ்வறிவித்தலை அனைவரும் ஏற்றுக்கொள்ளவும்.

இறுதி நிகழ்வுகளை https://www.youtube.com/live/a6kHYz9eaZk?si=kBYOpj-VuXn6VMNL என்ற தளத்தில் நேரலையாகப் பார்த்து அஞ்சலி செலுத்தலாம்.

அன்னாரின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்த்திப்பதோடு, குடும்பத்தினருக்கு அனுதாபங்களையும் தெரிவித்துக்கொள்கிறது.

துயர் பகிர்வு - சீதாலக்சுமி சின்னத்துரை

நயினாதீவைப் பிறப்பிடமாகவும், உசன், கொழும்பு மற்றும் கனடாவை வதிவிடமாகவும் கொண்டிருந்த திருமதி சீதாலக்சுமி சின்னத்துரை அவர்கள் March 11, 2024 திங்கட்கிழமையன்று இறைபதமடைந்தார்.

அன்னார் காலஞ்சென்ற (Police) சின்னத்துரை அவர்களின் அன்பு மனைவியும்,

சிவகுமார், நளினி, சந்திரகுமார் (USA), ரஜனி (பபி), ராஜ்குமார் (கண்ணன், USA) ஆகியோரின் அன்புத் தாயாரும்,

ராஜேஸ்வரி, காலஞ்சென்ற பாலச்சந்திரன், சத்தியா (USA), காலஞ்சென்ற ராஜேந்திரன், குணாளினி ஆகியோரின் பாசமிகு மாமியும்,

கோபிநாத், ஜெசிக்கா, ஜஸ்மின்,டிலன், டானியல், ராதை, ரிஷான், ரம்யா, ரொஷான், ரூபன்,பிரவீன், பிரணாவ், ஆகியோரின் செல்லப் பேர்த்தியும்,

Jasper, Elliott, Maaran, Gabi, Amaya ஆகியோரின் பூட்டியுமாவார்.

அன்னாரின் பூதவுடல் March 17, 2024, ஞாயிற்றுக்கிழமை அன்று மாலை 5 மணி முதல் 9 மணி வரை 384 Finley Avenue, Ajax, ON, Canada என்ற முகவரியில் அமைந்திருக்கும் Ajax Crematorium & Visitation Centerல் இறுதி அஞ்சலிக்காக வைக்கப்படும். மீண்டும் March 18, 2024, திங்கட்கிழமை அன்று அதே முகவரியில் காலை 9 மணி முதல் இறுதிக் கிரியைகள் நிகழ்த்தப்பட்டு பூதவுடல் தகனம் செய்யப்படும்.

அனைவரும் இவ்வறிவித்தலை ஏற்றுக்கொள்ளுமாறு கேட்டுக்கொள்ளப்படுகிறீர்கள்.

அன்னாரின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்த்திப்பதோடு, குடும்பத்தினருக்கு அனுதாபங்களையும் தெரிவித்துக்கொள்கிறது.

இறுதி நிகழ்வு - நேரலை

அமரர் சாந்தலக்குமி செல்லத்துரை அவர்களின் இறுதி நிகழ்வை நேரலையில் பார்த்து அஞ்சலி செலுத்தலாம்.

இலங்கை நேரப்படி March 3, 2024, ஞாயிற்றுக்கிழமை அன்று காலை 8 மணிக்கு நேரலை ஆரம்பமாகும்.

https://youtube.com/live/u9mmVOIjV2A?feature=share

நன்றி.

அமரர் சாந்தலக்குமி செல்லத்துரை - இறுதிக் கிரியை

அமரர் சாந்தலக்குமி செல்லத்துரை அவர்களின் இறுதிக் கிரியைகள் March 3, 2024, ஞாயிற்றுக்கிழமை காலை 8 மணி முதல் 10 மணி வரை அன்னாரது இல்லத்தில் நடைபெற்று பின் ஈச்சங்காடு இந்து மயானத்துக்கு பூதவுடல் தகனத்துக்காக எடுத்துச் செல்லப்படும்.

"உசன் உறவுகள்"

உசன் ஐக்கிய மக்கள் ஒன்றியம் - கனடா

வழங்கும்

"உசன் உறவுகள்"

(குளிர்கால ஒன்றுகூடல்)

திகதி: நவம்பர் 25, 2023, சனிக்கிழமை 

நேரம்: மாலை 6 மணி

இடம்: Baba Banquet Halls

3300 McNicoll Avenue, Scarborough, ON M1V 5J6

கலை நிகழ்வுகளோடு இரவு விருந்துமுண்டு. மலை 7 மணி முதல் மலை 7:30 மணி வரை மண்டபத்தில் வைத்து அப்பம் சுட்டுப் பரிமாறப்படும் என்ற தகவலையும் மகிழ்வோடு தெரிவித்துக்கொள்கிறோம்.

புத்தம் புதிய நிகழ்ச்சித் தொகுப்பாளர்கள் நிகழ்வைக் கலகலப்பாக்கக் காத்திருக்கிறார்கள்!

இந்த நிகழ்வுக்கான செலவைப் பகிர்ந்துகொள்ளுமாறு அனைவரையும் அன்புடன் வேண்டுகிறோம்.

பொருட்களின் விலைகள் பலமடங்கு அதிகரித்துள்ள நிலையில் உங்கள் அனைவரினதும் தாராளமான நிதிப் பங்களிப்பு அவசியமாகிறது.  நிர்வாகசபைக்குள்ளே இடம்பெற்ற கருத்துப் பரிமாற்றத்தின்பின் கீழுள்ளவாறு செலவைப் பகிர்ந்துகொள்ளுமாறு வேண்டுகிறோம்.

அங்கத்தவர் அல்லாதோர்

ஒருவர் - $50.00

இருவர் அல்லது மூவர் - $100.00

நான்கு அல்லது அதற்கு மேற்பட்டோர் - $150.00

அங்கத்தவர்கள் மேலதிகமாக குடும்பமொன்றுக்கு $50.00

இந்த வேண்டுகோளை நீங்கள் அனைவரும் மனதார ஏற்றுக்கொள்வீர்கள் என்று நம்புகிறோம்.

மண்டபம் நிறைந்த மக்கள் வருகை நிகழ்வைச் சிறப்பாக்கும்.

உங்கள் அனைவரையும் நிகழ்வில் கலந்து சிறப்பிக்குமாறு அன்புடன் அழைக்கிறோம்!

நன்றி.

நிர்வாகசபை

உசன் ஐக்கிய மக்கள் ஒன்றியம் - கனடா

நிகழ்ச்சிகள்

* மங்கல விளக்கேற்றல்
திரு. திருமதி நகுலன்
திரு. திருமதி சிவானந்தன்

* தேவாரம்
திருமதி றஜனி மதீஸ்வரன்

* கனடிய தேசிய கீதம்

செல்வி அம்ரிதா நிர்மலன்

செல்வி பிரனிதா நிர்மலன்

* உசன் கீதம்
திருமதி றஞ்சி வெற்றிவேலு

* அமைதி வணக்கம்

* வரவேற்புரை
திரு. சிதம்பரப்பிள்ளை தயாபரன்

(உப தலைவர், உசன் ஐக்கிய மக்கள் ஒன்றியம் - கனடா)

* நடனம்
செல்வி ஓவியா தவக்குமார்
ஸ்ருதி திவபரன்
ஆசிரியை ஶ்ரீமதி சியாமா தயாளன்
(Bhaarati School of Indian Classical Dance)

* பாடல்
செல்வி தியானா இளங்கீரன்

* நடனம்
செல்வி துஷாரா திருகரன்

* பாடல்
செல்வி ஐஸ்னா அரவிந்தன்

* விசேட உரை

திரு. சிவலோகநாதன் ஜெகன்

(London)

* நடனம்
செல்வி திஸ்யா இளங்கீரன்

* மாவீரர் பாடல்
திரு. இளங்கீரன் தங்கவேலாயுதம்

* தலைவர் உரை
திரு. சரவணமுத்து பத்மகாந்தன்
(தலைவர், உசன் ஐக்கிய மக்கள் ஒன்றியம் - கனடா)

* மூதாளர்களுக்கான போட்டி நிகழ்ச்சி (Parcel Passing)

* சிறியோர் போட்டி நிகழ்ச்சி (Musical Chair)

* பெரியோர் போட்டி நிகழ்ச்சி (Musical Chair)

* நன்றி நவிலல்
திருமதி ஷெமிலா பிரகலாதன்
(செயலாளர், உசன் ஐக்கிய மக்கள் ஒன்றியம் - கனடா)

"நாட்டிய தீக்க்ஷ" நடன நிகழ்வு

பாரதி இந்திய சாஸ்திரிய நடனக் கல்லூரி பெருமையுடன் வழங்கும் "நாட்டிய தீக்க்ஷ" நடன நிகழ்வு November 19, 2023, ஞாயிற்றுக்கிழமை அன்று இடம்பெறவுள்ளது. 1785 Finch Ave W, Toronto, ON M3N 1M6, Canada என்ற முகவரியில் அமைந்திருக்கும் York Woods Library Theater இல் சரியாக மாலை 5:30 மணிக்கு இந்த நிகழ்வு ஆரம்பமாகும். சிற்றுண்டிகள் மாலை 5 மணியிலிருந்து 5:30 மணி வரை வழங்கப்படும்.

இந்த நிகழ்வு பாரதி இந்திய சாஸ்திரிய நடனக் கல்லூரி அதிபர், பரத கலா வித்தகர், நாட்டிய பூரணா, திருமதி சியாமா தயாளன் அவர்களின் தயாரிப்பு, நெறியாள்கையில் இடம்பெற உள்ளது.

இளம் நாட்டியக்கலைஞர்களின் அதீத முயற்சியால் ஒரு பிரமாண்டமான நிகழ்வாக இது அமைகின்றது.

பிரபலமான பக்கவாத்தியக் கலைஞர்களின் பங்களிப்பு நிகழ்வை மேலும் சிறப்பிக்கும்.

இந்த நிகழ்வில் கலந்து சிறப்பிக்குமாறு திருமதி சியாமா தயாளன் அவர்களும் நாட்டிய தீக்க்ஷ குழுவும் உங்கள் அனைவரையும் அன்போடு அழைக்கிறது.

இந்த நடன விருந்தில் கலந்து மகிழுமாறு உசன் மக்களை வேண்டிநிற்கும் அதே வேளை
"நாட்டிய தீக்க்ஷ" சிறப்பாக நடைபெற உசன் ஐக்கிய மக்கள் ஒன்றியம் - கனடா வாழ்த்துகின்றது.

Vanakkam 🙏
Bhaarati School of Indian Classical Dance proudly presents,
NATYA DEEKSHA, on November 19th. 2023. The Natya Deeksha team humbly invites you to enjoy this showcase of dance.
Our dancers have put in a tremendous amount of effort to present this event. Your esteemed presence is greatly appreciated and valued.
Date and Venue:
Sunday, November 19th. 2023 at 5.30pm
(Refreshments are served from 5:00 pm to 5:30)
York Woods Library Theater
1785 Finch Ave W, Toronto, ON M3N 1M6
Photo credit: Sirosh Antony

United People Association of Usan in Canada extends it's wishes to the young, talented artists and their guru Srimathi Shiyama Thayaalan and invites all Usan people to enjoy this showcase of dance.

வருடாந்தப் பொதுக் கூட்டமும், கோடை கால ஒன்றுகூடலும் - 2023

உசன் ஐக்கிய மக்கள் ஒன்றியம் - கனடாவின் வருடாந்தப் பொதுக் கூட்டமும், கோடை கால ஒன்றுகூடலும் August 26, 2023, சனிக்கிழமையன்று இடம்பெறவுள்ளன. Neilson Road and Finch Avenue சந்திக்கு அருகாமையில் அமைந்துள்ள Neilson Park இல் இந்நிகழ்வு இடம்பெறும். காலை 10 மணிக்கு காலை உணவுடன் ஆரம்பமாகும் இந்நிகழ்வு மாலை 6 மணி வரை இடம்பெறும்.

பொதுக் கூட்டம் பிற்பகல் 1 மணிக்கு ஆரம்பமாகும். இந்த நேரத்தில் பொதுக் கூட்டத்தில் கலந்துகொண்டு உங்கள் ஆரோக்கியமான கருத்துகளைத் தெரிவித்து ஒன்றியத்தின் வளர்ச்சிக்கு உதவுமாறு உசன் மக்கள் அனைவரையும் அன்போடு வேண்டுகிறோம்.

ஒன்றுகூடலில் குழை சாதம், BBQ chicken, burger, hot dog, சுண்டல் முதலியவற்றோடு உங்கள் அனைவரினதும் அபிமானத்தைப் பெற்ற கொத்து ரொட்டியும் பரிமாறப்படும்.

அனைத்து வயதினருக்குமான விளையாட்டுப் போட்டிகள் ஒழுங்கு செய்யப்படுகின்றன. சிறப்பு விளையாட்டாக எமது பாரம்பரிய கயிறிழுத்தல் போட்டியும் இடம்பெறும்.

சிறுவர்களுக்கான சிறப்பம்சமாக வினோத உடைப் போட்டியும் (Fancy Dress competition) இடம்பெறும் என்பதை மகிழ்ச்சியோடு அறியத்தருகின்றோம். 10 வயதுக்குட்பட்ட சிறுவர்கள் ,சிறுமிகள் இதில் பங்குபற்றிப் பரிசுகளைத் தட்டிச் செல்ல முடியும். பெற்றோர்களே இந்தப் போட்டியில் உங்கள் பிள்ளைகளும் கலந்து சிறப்பிக்க இப்போதே ஆயத்தங்களைச் செய்யவும்.

உசன் மக்களின் இந்த ஒன்றுகூடலில் கலந்து சிறப்பிக்குமாறு உசன் மக்களோடு அயற்கிராமத்து மக்களையும், உசன் இராமநாதன் மகா வித்தியாலய பழைய மாணவர்களையும் அன்போடு அழைக்கிறோம்.

வாருங்கள், வாருங்கள்! வந்து கலந்து மகிழ்ந்திருங்கள்!

நன்றி.

நிர்வாகசபை

உசன் ஐக்கிய மக்கள் ஒன்றியம் - கனடா

இசை இணைக்கிறது - Music Connects

உசன் ஐக்கிய மக்கள் ஒன்றியம் - கனடாவின் நிகழ்வுகளில் தேனினுமினிய இன்னிசை வழங்கும் அன்புக்குரிய பிரதிஷ்னி மதீஸ்வரன் - மயூரன் தனன்ஜெயன் இணையர் இணைந்து வழங்கும் இன்னுமொரு இசைவிருந்து. TVI இன் Music Connects நிகழ்ச்சியில் நேரடியாகப் பாடல்களைப் பாடி உங்களை மகிழ்ச்சிப்படுத்தவுள்ளார்கள். August 8, 2023, செவ்வாய்க்கிழமை அன்று Toronto நேரம் மாலை 8 மணி முதல் 9:30 மணிவரை இடம்பெறவுள்ள இந்த நிகழ்ச்சியைக் கண்டும், கேட்டும் மகிழ்வதோடு நேரடியாக அவர்களை வாழ்த்தவும் முடியும்.

இந்த அரிய சந்தர்ப்பத்தைத் தவறவிடாது இசை மலையில் நனைத்து இன்புறுமாறு அனைவரையும் அன்போடு வேண்டுகிறோம்.

இந்த நிகழ்ச்சி இனிதே நடைபெற உசன் ஐக்கிய மக்கள் ஒன்றியம் - கனடா தனது வாழ்த்துகளைத் தெரிவித்து மகிழும் அதேவேளை பிரதிஷ்னிக்கும் மயூரனுக்கும் இசைத்த துறையில் மேலும் பிரகாசிக்க வாழ்த்துகளையும் தெரிவித்துக்கொள்கிறது.

"உசன் வசந்த விழா - 2023"

உசன் உறவுகள் ஒன்றிணையும் ஓர் ஒப்பற்ற நிகழ்வு!

நிலத்திலும், புலத்திலும் வாழும் உசன் மக்களை ஒருங்கிணைத்து Usan Foundation பெருமையுடன் வழங்கும் முதலாவது அரங்க நிகழ்வு!

June மாதம் 10 ஆம் திகதி, சனிக்கிழமை அன்று உசன் இராமநாதன் மகா வித்தியாலய விளையாட்டு மைதானத்தில் மாபெரும் நிகழ்வாக "உசன் வசந்த விழா - 2023"

தலைமேயேற்று நடத்துகிறார் திருமிகு வைத்திய கலாநிதி ஐயாத்துரை ஜெபநாமகணேசன் (உப தலைவர், Usan Foundation)

பிரதம விருந்தினர் - திருமிகு அம்பலவாணர் சிவபாலசுந்தரன் (அரசாங்க அதிபர், யாழ்ப்பாணம்)

சிறப்பு விருந்தினர்கள் 

திருமிகு குணசிங்கம் மிகுந்தன் (சிரேஷ்ட பேராசிரியர், விவசாய உயிரியல் துறை, விவசாய பீடம், யாழ்ப்பாண பல்கலைக் கழகம்)

திருமிகு வைத்திய கலாநிதி சிவபாதம் சுதோகுமார் (பொறுப்பு வைத்திய அதிகாரி, தென்மராட்சி)

திருமிகு யோண்பிள்ளை சுசீந்திரன் அருள்ராஜ் (மேலதிக அரசாங்க அதிபர், திருகோணமலை)

உசன் மண்ணை வளப்படுத்தும் மற்றும் உசன் மண்ணுக்குப் பெருமை சேர்க்கும் சேவையார்களை வாழும்பொழுதே வாழ்த்திக் கனம் பண்ணுவோம்!

விசேட நிகழ்வாக யாழ்ப்பாணம் சக்சபோன் சகோதரர்கள் R. Y. நவறூபன் மற்றும் R. Y. காண்டீபன் வழங்கும் நாத இசைச் சங்கமம்.

அனைத்து விருந்தினர்களையும் மகிழ்விக்க இராப்போசனம்.

கட்டணம் எதுவுமில்லாத காத்திரமான நிகழ்வு!

வரலாறு படைப்போம் வாரீர், உசன் மக்களே!

Usan Foundation சார்பில்

உசன் ஐக்கிய மக்கள் ஒன்றியம் - கனடா 

Usan Foundation - "உசனோடு ஒன்றாவோம்" இணைய விழா

Usan Foundation இன் முதலாவது நிகழ்வு

முத்தமிழ் கலை நிகழ்வு

திகதி: March 11, 2023, சனிக்கிழமை

நேரம்: 6 a.m. Eastern Canada (Toronto)

             11 a.m. UK

             12 noon Europe, Scandinavia

             4:30 p.m. Usan 

             10 p.m. Sydney, Australia

Zoom இணைப்பு விபரம்

Join Zoom Meeting

https://us02web.zoom.us/j/84251025788?pwd=MVMwZWRoWHYxWGoxUEJvM2JkR0REUT09

Meeting ID: 842 5102 5788

Passcode: 1234

இணைப்பு விபரத்தை ஏனையவர்களுடனும் பகிர்ந்துகொள்ளுங்கள்.

கலை நிகழ்வுகளைக் கண்டு களிப்பதோடு, ஊரோடும் உறவாடுவோம்!

அனைவரையும் அன்போடு அழைக்கிறோம்!

உறவுகளையும், நட்புகளையும் உங்களோடு அழைத்து வாருங்கள்!

நன்றி.

Usan Foundation சார்பாக

உசன் ஐக்கிய மக்கள் ஒன்றியம் -கனடா 

ஈச்சங்காடு இந்து மயானப் புனரமைப்பு

பாரெங்கும் பரந்து வாழும் பாசம் மிக்க உசன் உறவுகளே!

உங்கள் அனைவரினதும் உத்வேகத்தில் உதித்த உசன் பவுண்டேசனானது தனது முதலாவது மக்கள் மயப்படுத்தப்பட்ட செயற்திட்டமான ஈச்சங்காடு இந்து மயான புனரமைப்புப் பணியை நிறைவுசெய்துள்ளது. இச் செயற்திட்டத்தினால் மயானத்தின் தகனபீடம் அடங்கிய எரிகொட்டகையைச் சுற்றி காப்புச் சுவர் அமைக்கப்பட்டு, மண் அணைத்து உயரமாக்கப்பட்டு, வெள்ள நீர் அச்சுறுத்தலில் இருந்து நிரந்தர தீர்வு பெறப்பட்டுள்ளது. அத்துடன் இப் பிரதேசத்தில் நிழல்தரு மரங்கள் நாட்டப்பட்டுப் பராமரிக்கப்பட்டு வருகின்றன. மேலும் இது ஒரு பச்சையீட்டுச் செயற்திட்டமாக மிகச் சிறப்பாக அந்தச் சூழலுக்குப் பொருத்தமான முறையில் வடிவமைக்கப்பட்டு முன்னெடுக்கப்பட்டுள்ளது. இத்துடன் சுற்றுப்புறச் சூழலையும் சுத்தமாகப் பேணுவதற்குரிய ஏற்பாடுகள் முன்னெடுக்கப்பட்டுள்ளன.

இச் செயற்திட்டமானது மக்கள் மயப்படுத்தப்பட்டு அமுலாக்கப்பட்டு நிறைவுசெய்யப்பட்டுள்ளது. இதற்கான தோராய மதிப்பீடாக ஒரு மில்லியன் இலங்கை ரூபாக்கள் எதிர்பார்க்கப்பட்டது. எமது நாட்டின் பொருளாதார நெருக்கடி, பொருட்கள், சேவைகளின் கட்டுக்கடங்காத பெறுமதியுயர்வு, பணவீக்கம் முதலான காரணங்களால் எமது தோராய மதிப்பீட்டினைத் தாண்டிய நிலையில் 1,172,801.00 ரூபா செலவீனம் ஏற்பட்டிருந்தது.

இச் செயற்திட்டத்திற்கான உள்ளுர்வாழ் உசன் உறவுகளது பங்களிப்பாக 672,050.00 ரூபா கிடைக்கப்பெற்றதுடன், தன்னார்வமாக புலம்பெயர் தேசத்து உறவுகள் மூவரது பங்களிப்பு 300,186.00 ரூபா இதுவரை கிடைக்கப்பெற்றுள்ளது.

நிதிப் பங்களிப்பானது தனியாக இச் செயற்திட்டத்தின் சரியான செலவீனத்தினை ஈடுசெய்வதற்காக மாத்திரமே மேற்கொள்வது எனவும், இதற்காகச் சேகரிக்கப்படும் நிதியை வேறு தேவைகளுக்குப் பாவிப்பதில்லை என்ற கொள்கைரீதியான தீர்மானத்தின் அடிப்படையிலும் தொடரப்பட்டது.

முதலில் உள்ளுர் மக்களின் பங்களிப்பைப் பெற்றுக்கொள்வது எனவும், இச் செயற்பாட்டில் உள்ளுர் மக்களது பங்கேற்பு “எமது” என்ற சிந்தனையை வலுவாக்கும் என்பதை அழுத்துவதாகவே அமைந்திருந்தது. இச் செயற்பாடு பெரு வெற்றியை எமக்கு அளித்திருக்கின்றது. எதிர்பார்க்காதவகையில் சிறப்பான பங்களிப்புடன் ஒரு தொகை உள்ளுரில் கிடைத்திருந்தது. தவிர தன்னார்வமாக இச் செயற்திட்ட பிரேரிப்பினை அறிந்தவர்களாக பொது வெளியில் நிதி திரட்டுகை ஆரம்பிக்கப்படாத நிலையில் மூவரது பங்களிப்புக்கள் கிடைக்கப்பெற்றிருந்தன. இவற்றினை திரட்டியதன் அடிப்படையில் 200,565.00 ரூபா இன்னமும் திரட்டவேண்டிய நிலையில் எமது நிர்வாக குழு செயற்திட்ட நிறைவுச் செய்தியுடன் நிதிக் கோரிக்கையையும் பொது வெளியில் முன்வைக்கின்றது.

திரட்டப்படவேண்டிய தொகை 200,565.00 இலங்கை ரூபாக்கள்.

இத் தொகை மாத்திரமே இச் செயற்திட்டம் தொடர்பில் பெற்றுக்கொள்ளப்படும். இதனைப் பங்களிக்க விரும்பும் நல் உள்ளங்கள் கீழ்வரும் எமது வங்கிக் கணக்கில் வைப்பிலிடுவதுடன், உங்களது விபரங்களை எமது usanfoundation@gmail.com என்ற மின்னஞ்சலிற்கு அனுப்பிவைக்கவும்.

Account name: Usan foundation society Limited

Bank: Nations Trust Bank

Branch: Jaffna Branch

Swift Code: NTBCLKLX

Account number: 200350097907

மேலும் இம் மயானத்தினை எமது கிராமத்தினை விடவும் தவசிகுளம் ஒருபகுதி, கெற்பேலி மற்றும் பாலாவியின் ஒரு பகுதி அயல் கிராமங்களும் பயன்படுத்துவதால் அவ் விடத்தினைப் பராமரிப்பு செய்வதில் பொது நிலைப்பாட்டினை உருவாக்குவதற்கான நிர்வாக நடவடிக்கைகள் மேற்கொள்ளப்பட்டுவருகின்றன.

இம் மயானம் எமது கிராமத்தின் பௌதீக எல்லைக்குள் அமைந்திருப்பதால் அதற்கான உரிமைத்தத்துவமும், தங்குதடையற்ற ஆட்சியும் எமது கிராம மக்களிடம் இருக்கவேண்டும் என்ற அடிப்படையில் மேற்குறித்த பயனர்களிடம் இருந்து எவ்வித பங்களிப்பையும் பெற்றுக்கொள்ளவில்லை.

இவ்வாறான நிலையில் இச்செயற்திட்டம் பூரணப்படுத்தப்பட்டுள்ளது. இதற்கான செலவீனப்பொழிப்பு இத்துடன் இணைக்கப்பட்டுள்ளது.

அனைவரதும் ஒத்துழைப்புக்கு உசன் பவுண்டேசன் சார்பாக மிக்க நன்றிகள்.

நிர்வாகக் குழு

USAN Foundation