உசன் மாணவி மிதுரிகா இந்தோனேசிய பயணம்

உசனை சேர்ந்த திரு.திருமதி.க.பேரம்பலம் அவர்களின் பேத்தி செல்வி மிதுரிகா அவர்கள்.ஆசியமட்ட பௌதிகவியல் ஒலிம்பியாட் போட்டியில் பங்கு பற்றுவதற்காக இந்தோனேஷியாவுக்கு பயணமாகவுள்ளனர்.

 மிதுரிகா மிகுந்தன் 

2012ம் ஆண்டு இடம்பெற்ற கல்விப் பொதுத் தராதர உயர்தரப் பரீட்சையில் யாழ்மாவட்டத்தில் முதலிடத்தைப் பெற்ற யாழ்.வேம்படி மகளிர் கல்லூரி உயிரியல் பிரிவு மாணவியான உசனை  சேர்ந்த  மிதுரிகா மிகுந்தன் மற்றும் வவுனியா தெற்கு தமிழ் மத்திய மகா வித்தியாலய மாணவன் சிவசுப்பிரமணியம் பவித்திரன் ஆகியோரே ஒலிம்பியாட் போட்டியில் கலந்துகொள்வதற்காக செல்லவுள்ளனர்.

இலங்கையிலிருந்து இவர்களுடன் மேலும் சில மாணவர்கள் போட்டியில் பங்கு பற்றுவதற்காக இந்தோனேஷியாவுக்கு செல்லவுள்ளதாக தெரிவிக்கப்படுகிறது.

இம்மாணவர்கள் இந்த மாதம் கல்வி அமைச்சினால் அழைத்துச் செல்லப்படவுள்ளனர். இரண்டு வார காலம் அங்கு அவர்கள் போட்டிகளில் பங்கு பற்றவுள்ளனர் என்று தெரிவிக்கப்பட்டுள்ளது.

இந்த போட்டியில் மிதுகா வெற்றி பெறவும்.சிறப்பாக போட்டியிடவும் 

அனைத்துலக உசன் மக்கள் சார்பாக வாழ்த்துக்களை தெரிவித்துகொள்கிறோம். 

உசன் மாணவி யாழ் மாவட்டத்தில் முதலாம் இடம்

உசனை சேர்ந்த முன்னாள் அதிபர் ஆசிரியர் திரு திருமதி க.பேரம்பலம் அவர்களின் பேத்தி செல்வி மிதுரிகா மிகுந்தன்   அவர்கள் க.பொ.த.உயர்தர பரீட்சையில் உயிரியல் பிரிவில் 3 A சித்தியினை பெற்று யாழ் மாவட்டத்தில் முதலிடத்தினை பெற்றுள்ளார்.
இவரின் பெற்றோர்களான திரு திருமதி மிகுந்தன் துஷி  ஆகியோர் யாழ் பல்கலைகழக முதுநிலை விரிவுரையாழர்கள் ஆவர்

செல்வி மிதுரிகா கல்வியில் இன்னும் மிளிர உசன் கனடா ஐக்கிய மக்கள் ஒன்றியம் சார்பாக எமது வாழ்த்துக்கள்.

வெளியாகிய பெறுபேறுகளின் ஏனைய விபரம் மிக விரைவில் தரப்படும் 

உசனை சேர்ந்த" மூன்று மாணவர்கள் முன்னிலையில் "

அண்மையில் வெளியாகிய கடந்த வருட க.பொ.த உயர்தர பரீட்சை பெறுபேறுகளில் .யாழ் மாவட்ட ரீதியில் உசனை பூர்வீகமாக கொண்ட மூன்று மாணவர்கள் முன்னிலை பெற்று சாதனை படைத்துள்ளனர் .
கிடைக்கபெற்ற தரவுகளின் அடிப்படியில் .

உயிரியல் துறையில் யாழ் மாவட்டத்தில்  3A சித்திகள் பெற்று முதலாம் இடத்தில்  உசனை சேர்ந்த முன்னாள் அதிபர் ஆசிரியர் திரு திருமதி க.பேரம்பலம் அவர்களின் பேத்தி செல்வி மிதுரிகா மிகுந்தன்   அவர்களும் 
  
மாவட்ட ரீதியில் பத்தாம் இடத்தில் உசனை சேர்ந்த
 திரு திருமதி நவரத்தினம் உமாமகேஸ்வரி தம்பதிகளின் பேத்தி செல்வி மாதங்கி நவக்குமார் அவர்களும் ,
மாவட்ட ரீதியில்23வது  இடத்தில் உசனை சேர்ந்த திரு திருமதி சரவணமுத்து அவர்களின் பேரன் விதுர்ஷன் யோகராஜா அவர்களும் 
இடம் பிடித்துள்ளனர் .
இந்த மாணவர்களுக்கும் .
இந்த மாணவர்களின் வெற்றிக்கு உறுதுணையாய் இருந்த பெற்றோர்கள் ஆசிரியர்கள் அனைவருக்கும் நன்றிகளும்.
இவர்களின் சாதனையால் உசன் மக்களாகிய நாமும் பெருமை கொள்கிறோம் .
வாழ்த்துக்கள்

"உசன் உறவுகள் 2012 " கலை இரவு

கனடா வாழ் உசன் மக்களின் ஒருங்கிணைந்த முயற்சியில் நடைபெறும் வருடாந்த குளிகால கலை இரவு நிகழ்வு மிகவும் சிறப்பாக நடைபெற்றது
வழமைக்கு மாறாக அதிகளாவான இளம் சமுதாயத்தினர் கலந்து சிறப்பித்த
ஒரு நிகழ்வாக அமைந்திருந்தது .
இன் நிகழ்வில் நடைபெற்ற நிகழ்வின் சில காட்சி பதிவுகள்



இன் நிகழ்வின் முழு காட்சி பதிவுகளும் விரைவில் வெளிவரும்
உங்கள் பிரதிகளுக்கு எம்முடன் தொடர்பு கொள்ளுங்கள்
416-833-2120

"உசன் உறவுகள் 2012"

உசன் ஐக்கிய மக்கள் ஒன்றியம் கனடாவின் "உசன் உறவுகள் 2012" நிகழ்வு January மாதம் 19 ஆம் திகதி 2013 ஆம் ஆண்டு சிறப்பாக நடைபெற்றது. ஒன்றியத்தின் தலைவர் கனகசபை நகுலனின் தலைமையில் இடம்பெற்ற இந்த நிகழ்வை ஓய்வு பெற்ற அதிபர் மாணிக்கம் பரமநாதன் அவர்கள் குத்து விளக்கை ஏற்றி ஆரம்பித்து வைத்தார்.

நிகழ்வில் பல சிறப்பான கலை நிகழ்ச்சிகள் இடம்பெற்றன. உசனைச் சேர்ந்த பல சிறியவர்களும், இளையவர்களும் இந்த நிகழ்ச்சிகளை வழங்கினர்.

இந்த வருட நிகழ்வின் சிறப்பு அங்கமாக பல்கலைக் கழகக் கல்வியை முடித்துக்கொண்ட உசன் மண்ணின் இளையவர்கள் விருது வழங்கிச் சிறப்பிக்கப்பட்டனர். இது ஒரு சிறந்த முயற்சி என்று பலரும் கருத்துக் கூறினர்.

தடைப்பட்டுப் போயிருக்கும் நூலக முயற்சி மற்றும் முதியோர் நலன் காப்பகம் குறித்தும் நிர்வாக சபையினால் விளக்கம் அளிக்கப்பட்டது. உசன் இராமநாதன் மகா வித்தியாலய ஆரம்பப் பள்ளிக்கூடத்துக்கான கட்டடத் தேவை குறித்து பாடசாலை அபிவிருத்திச் சபையினால் விடுக்கப்பட்ட வேண்டுகோள் குறித்தும் உசன் மக்களுக்கு அறிவிக்கப்பட்டது.

August மாதம் 11 ஆம் திகதி 2013 ஆம் ஆண்டு ஞாயிற்றுக் கிழமை கோடை கால ஒன்றுகூடலில் மீண்டும் சந்திப்போம் என்ற அறிவித்தலோடு "உசன் உறவுகள் 2012" இனிதே நிறைவுற்றது.

இந்த நிகழ்வின் நிழற்படங்களை இங்கே அழுத்துவதன் மூலம் காணலாம்.