உசன் கந்தசுவாமி கோவில் ஸ்கந்த ஹோம பெருவிழா

உசன் கந்தசுவாமி கோவிலில் 108 கலசாபிஷேக ஸ்கந்த ஹோம பெருவிழா ஞாயிற்றுக்கிழமை, February 18, 2018 அன்று நடைபெற உள்ளது.  உசன் கந்தசுவாமி கோவில் பிரதம குரு அருள்வாக்குச் சித்தர் குகஸ்ரீ இரத்தின கேதீஸ்வர சுவாமிகள் தலைமையில் பல சிவாச்சாரியார்கள் கலந்து சிறப்பிக்க உள்ளனர்.

இந் நிகழ்வின் ஆரம்பமாக சனிக்கிழமை, February 17, 2018 அன்று மாலை 5 மணிக்கு கிரியா கிரமம் இடம்பெறும்.

ஹோம பூசையில் இணைந்துகொள்ள விரும்பும் அடியார்கள் பிரதம குரு மற்றும் தர்மகர்தாவுடன் தொடர்பு கொண்டு வேண்டிய ஏற்பாடுகளைச் செய்யலாம்.  பிரதம குருவின் தொலைபேசி இலக்கம் +94777238561.

அடியார்கள் அன்னதானத்துக்குரிய பொருட்களை உபகரிக்கலாம். 

மாற்று வலுவுள்ளோருக்கான உதவிகளும் வழங்கப்படும்.

அன்றைய தினம் யாழ்ப்பாணம் - உசன் - யாழ்ப்பாணம் பாதையில் இ. போ. ச. மற்றும் தனியார் வண்டிகள் விசேட போக்குவரத்துச் சேவையில் ஈடுபட ஏற்பாடு செய்யப்பட்டுள்ளது..

இந்த நிகழ்வுகளை www.facebook.com/usankanthan என்ற இணையத் தளத்தில் நேரடியாகப் பார்க்கலாம்.

Dr. தனபாலசிங்கம் உபேந்திரன்

உசனைச் சேர்ந்த Dr. இந்திரன் ஆசீர்வாதம் அவர்களின் மாமனார்
Dr. தனபாலசிங்கம் உபேந்திரன் அவர்கள் புதன்கிழமை,  January 31, 2018 அன்று கனடாவில் காலமானார்.

இவர் மீனாவின் அன்புக் கணவரும், வாசுகியின் பாசமிகு தந்தையுமாவார்.

அன்னாரின் பூதவுடல் 8911 Woodbine Ave, Markham, ON L3R 5G1 என்ற முகவரியில் அமைந்திருக்கும் Chapel Ridge Funeral Home & Cremation Centre இல் ஞாயிற்றுக்கிழமை, February 4, 2018 அன்று காலை 10 மணிக்கு இறுதி மரியாதைக்காக வைக்கப்பட்டு தொடர்ந்து இறுதி நிகழ்வுகள் இடம்பெறும்.

அன்னாரின் மறைவால் துயருற்றிருக்கும் அனைவருக்கும் ஆழ்ந்த அனுதாபங்களைத் தெரிவிப்பதோடு அன்னாரின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்திக்கிறது.

உசன் இராமநாதன் மகா வித்தியாலய இல்ல மெய்வல்லுனர் திறனாய்வு

உசன் இராமநாதன் மகா வித்தியாலய இல்ல மெய்வல்லுனர் திறனாய்வு எதிர்வரும் February 2, 2018, வெள்ளிக்கிழமை பிற்பகல் 1 மணிக்கு பாடசாலை மைதானத்தில் நடைபெற உள்ளது. 

வித்தியாலய முதல்வர் த. சோதிலிங்கம் அவர்களின் தலைமையில் இடம்பெறும் இந்த நிகழ்வில் தென்மராட்சி கல்வி வலைய கல்வி முகாமைத்துவ பிரதிக் கல்விப் பணிப்பாளர் நா. கந்ததாசன் அவர்கள் முதன்மை விருந்தினராகக் கலந்து சிறப்பிக்க உள்ளார்.

Hatton National Bank இன் வடபிராந்திய முகாமையாளர் சி. சுந்தரேஸ்வரன் அவர்கள் சிறப்பு விருந்தினராகவும், தென்மராட்சி கல்வி வலைய உடற்கல்வி ஆசிரிய ஆலோசகர் ந. சிறீகாந்தா அவர்கள் கௌரவ விருந்தினராகவும் கலந்து சிறப்பிக்கின்றனர்.

உசன் இராமநாதன் மகா வித்தியாலய பழைய மாணவர்கள் சங்கம் இந்த நிகழ்வை முன்னின்று நடத்துகிறது.

இந்த நிகழ்வில் கலந்து விளையாட்டு வீரர்களை உற்சாகப்படுத்துமாறு பெறோர்கள், பழைய மாணவர்கள், நலன்விரும்பிகள் அனைவரும் கேட்டுக்கொள்ளப்படுகிறார்கள்.

மாணவர்களின் விளையாட்டுத் திறமையை வெளிக்கொணரும் இந்த நிகழ்வு சிறப்பாக நடைபெற உசன் ஐக்கிய மக்கள் ஒன்றியம் - கனடா தனது வாழ்த்துகளைத் தெரிவித்துக்கொள்கிறது.

பதஞ்சலி மகாலிங்கம்

மரண அறிவித்தல்

மலர்வு 04.09.1937     உதிர்வு  15.01.2018

உசனைப் பிறப்பிடமாகவும், வல்வெட்டியை வதிவிடமாகவும் கொண்ட பதஞ்சலி மகாலிங்கம் அவர்கள் 15.01.2018 திங்கட்கிழமை அன்று வல்வெட்டியில் காலமானார்.

இவர் காலஞ்சென்ற அதிபர் பதஞ்சலி - மனோன்மணி தம்பதியரின் அன்பு மகனும்,

காலஞ்சென்றவர்களான துரைச்சாமி சின்னம்மா தம்பதிகளின் அன்பு மருமகனும்,

புஷ்பரத்தினம் அவர்களின் அன்புக் கணவரும்,

புவனரதி (பிரான்ஸ் ) அவர்களின்  அன்புத் தந்தையும்,

கெளரிமோகன் தில்லைநடராஜா அவர்களின் மாமனாரும்,

அபிராமியின் அன்புப் பேரனும்,

காலஞ்சென்ற இராஜலிங்கம் (மின் அத்தியட்சகர், ஸ்ரீலங்கா) அவர்களின் மைத்துனருமாவார்.

அன்னாரின் இறுதிக் கிரியைகள் 21.01.2018 அன்று "புஷ்பகிரி ", பாடசாலை ஒழுங்கை, வல்வெட்டியில் அமைந்துள்ள இல்லத்தில் நடைபெற்று தகனக்கிரியைகள் வல்வெட்டி ஊறணி இந்து மயானத்தில் இடம்பெறும்.

இவ்வறிவித்தலை உற்றார், உறவினர், நண்பர்கள் அனைவரும் ஏற்றுக் கொள்ளும்படி கேட்டுக் கொள்ளுகின்றோம்.

தொடர்புகளுக்கு :
புவனரதி: +94213001304, 9477049764
கெளரி மோகன்: +33973252581
பிரியலதா (மருமகள்,கனடா): +1 416 525 1358
மகாராணி (சகோதரி, கனடா): +1 416 431 0630
மகாரஞ்சிதம் (சகோதரி, கனடா): +1 647 244 0146

உசன் உறவுகளில் இசை மழை

"உசன் உறவுகள்" நிகழ்வைச் சிறப்பிக்க மீண்டும் "இசை மழை".  Toronto வின் முன்னணி இசைக் குழு RA Rhythms இன் நேரடி இசையில் எம்மவர்கள் பாடி அசத்த உள்ளனர்.

அனுசரணை வழங்குகிறார்கள் Video Maruti கிருபா, Homelife Galaxy Reality விஜயகுலன், Perception Eyecare Dr. கஸ்தூரி விசுவநாதன், White Horse Travels, பத்மகாந்தன் சரவணமுத்து, கருணாகரன் சின்னத்துரை (கண்ணன்), திருகரன் சின்னத்துரை (திரு), மற்றும் திரு. திருமதி சிவானந்தன்.

உள்ளத்தை வருடிச் செல்லும் இன்னிசை கேட்டு மகிழ வாருங்கள்.

Baba Banquet Hall
3300 McNicoll Road
Scarborough, ON, M1V 5J6

Saturday, January 20, 2018
6 p.m.