அன்பார்ந்த உறவுகளே!

கடந்த 2022.07.10 அன்று Neilson park இல் உசன் ஐக்கிய மக்கள் ஒன்றியம் கனடாவின் கோடை கால ஒன்றுகூடலும், நிர்வாகசபைத் தெரிவும் இடம்பெற்றன. இந்நிகழ்வில் கலந்து கொண்டு சிறப்பித்த அனைவருக்கும் எமது மனமார்ந்த நன்றிகள். 

அன்றைய தினம் வழமை போல் Roast பாண், சம்பல், வடை, தேநீர் போன்ற காலை உணவுடன் ஒன்றுகூடல் சிறப்பாக ஆரம்பமானது.

காலையிலேயே நிர்வாக சபை உறுப்பினர்கள் வந்திருந்து தயாரிப்பு வேலைகளில் ஈடுபட்டிருந்தார்கள். முற்பகல் 11 மணியளவில் உசன் மக்கள் வந்து சேர ஆரம்பித்தார்கள்.  பிற்பகல் 1 மணியளவிலேயே பொதுக்கூட்டத்தை ஆரம்பிக்குமளவுக்கு மக்கள் வந்துசேர்ந்தார்கள்.

பொதுக்கூட்டம் பகல் 1 மணியளவில் ஆரம்பமாகியது. பிரதம விருந்தினராக Norway ல் இருந்து வந்திருந்த திரு. திருமதி சபேசன் நல்லதம்பி அவர்கள் கலந்து சிறப்பித்தார்கள்.  சிறப்பு விருந்தினராக இந்த வருட நிகழ்வின் பிரதம அனுசரணையாளரான Real Estate Agent & Mortgage Agent, திரு. திருமதி கேதீஸ்வரன் அவர்கள் கலந்து மகிழ்வித்தார்கள்.  இவர்கள் மங்கல விளக்கையேற்றி நிகழ்வை ஆரம்பித்து வைத்தனர்.

வரவேற்புரை மற்றும் தலைமையுரையைத் தொடர்ந்து, சென்ற ஆண்டு கூட்ட அறிக்கை மற்றும் கணக்கறிக்கை ஆகியன சமர்ப்பிக்கப்பட்டு சபையால் ஏகமனதாக ஏற்றுக்கொள்ளப்பட்டன.

மிகவும் குறைவான மக்களே ஒன்றியத்தில் அங்கத்தவர்களாக இருப்பதைக் கவலையோடு சுட்டிக்காட்டிய தலைவர் மேலும் அங்கத்தவர்களைச் சேர்த்துத் தருமாறு மக்களிடம் வேண்டுகோள் விடுத்தார்.  அத்தோடு உசன் ஐக்கிய மக்கள் ஒன்றியம் - கனடா கடந்த 6 வருடங்களில் கிட்டத்தட்ட 50 இலட்சம் ரூபா பெறுமதியான சேவைகளைச் செய்து முடித்துள்ளதாக விபரங்களைத் தெரிவித்தார்.  அத்தோடு உசன் அபிவிருத்திக்காக உலகளாவிய உசன் கட்டமைப்புக்கு இதுவரை சேர்க்கப்பட்ட 30 இலட்சம் ரூபாவின் பெரும்பகுதி உசன் ஐக்கிய மக்கள் ஒன்றியம் - கனடாவாலேயே சேர்க்கப்பட்டதையும் சுட்டிக் காட்டினார்.

தொடர்ந்து தற்போதைய நிர்வாகசபையின் பதவிக் காலம் முடிவுக்கு வருவதால் புதிய நிர்வாகசபைத் தெரிவு இடம்பெற்றது.

அதனைத்தொடர்ந்து மதிய உணவாக Barbecue, குழைசாதம், pasta வுடன் இம்முறை விசேடமாக கீரைப்பிட்டும், அப்பமும் பரிமாறப்பட்டது. அனைத்து உணவு வகைகளையும் அனைவரும் இரசித்து உண்டார்கள் என்பதில் ஐயமில்லை. தொடர்ந்து விளையாட்டுப் போட்டியும் மிகவும் சிறப்பாக நடைபெற்றது. 

மாலையில் கோப்பியும் cake ம் பரிமாறப்பட்டது. இறுதியில் எமது விசேட இரவு உணவான கொத்துரொட்டி அனவருக்கும் வழங்கப்பட்டது. 

இவ்வருடம் இதுவரை உசன் ஐக்கிய மக்கள் ஒன்றியம் - கனடாவில் புதிதாக 5 உறுப்பினர்கள் மாதாந்த அங்கத்துவம் மூலம் இணைந்துள்ளார்கள். மேலும் மூவர் வருடாந்த சந்தாவான $120 ஐ செலுத்தித் தங்கள் அங்கத்துவத்தைப் புதுப்பித்துள்ளார்கள். புதிய அங்கத்தவர்களை உசன் ஐக்கிய மக்கள் ஒன்றியம் - கனடா இன்முகத்தோடு வரவேற்கிறது.

கணிசமான அளவு இளையவர்கள் இந்த நிகழ்வில் கலந்துகொண்டது நிகழ்வுக்கு மேலும் சிறப்பூட்டியது.  அத்தோடு விடத்தற்பளை மக்கள் ஒன்றியம் - கனடாவின் பிரதிநிகளும் கலந்துகொண்டு மதிப்பளித்தார்கள்.

இந்த நிகழ்வுக்குப் பலர் அனுசரணையும், அன்பளிப்பும் வழங்கியிருந்தார்கள்.

திரு. கேதீஸ்வரன் இராசையா (Trophies)

திருமதி சாந்தினி சிவானந்தன் (Lottery prize)

திருமதி ரஜனி மதீஸ்வரன் (Lottery prize) 

திரு. அந்தனி பொன்ராஜா (Mortgage Agent)

திரு. உதயகுமார் நடராஜா (தலைவர், விடத்தற்பளை மக்கள் ஒன்றியம் - கனடா)

திரு. பிரதீபன் சண்முகநாதன் (பொருளாளர், விடத்தற்பளை மக்கள் ஒன்றியம் - கனடா)

திரு. ஜெயக்குமார் சோமசுந்தரம் (உப செயலாளர், விடத்தற்பளை மக்கள் ஒன்றியம் - கனடா) 

திரு. ஜீவராஜா பொன்னம்பலம் (ஜீவன், Niru Brand)

திரு. கருணானந்தன் வினாசித்தம்பி (JBN Auto) 

திரு. திருகரன் சின்னத்துரை

ஆதரவு நல்கிய அனைவருக்கும் உசன் ஐக்கிய மக்கள் ஒன்றியம் - கனடா தனது மனமார்ந்த நன்றியைத் தெரிவித்துக்கொள்கிறது.

ஒளிப்படங்களைப் பார்ப்பதற்கு usanpeople என்ற FaceBook தளத்திற்குச் செல்லவும்.

அரங்கேற்றம்!

பாரதி இந்திய சாஸ்திரிய நடனக் கல்லூரி அதிபர், பரதகலா வித்தகர், நாட்டிய சிரோன்மணி ஸ்ரீமதி சியாமா தயாளன் அவர்களின் மாணவி துர்க்கா சிவகுமார் அவர்களின் பரத நாட்டிய அரங்கேற்றம் ஞாயிற்றுக்கிழமை, July 17, 2022 அன்று 10268 Yonge Street, Richmond Hill, L4C 3B7, ON, Canada என்ற முகவரியில் அமைந்திருக்கும் Richmond Hill Center for the Performing Arts மண்டபத்தில் இடம்பெற உள்ளது.

மாலை 4 மணிக்கு சிற்றுண்டிகள் வழங்கப்படும்.  அரங்கேற்றம் சரியாக மாலை 5 மணிக்கு ஆரம்பமாகும்.  

பெருந்தொற்றுக்குப் பின்னதான முதலாவது அரங்க நிகழ்வாக இது அமையவிருக்கிறது.  இந்த நிகழ்வில் கலந்து சிறப்பிக்குமாறு சியாமா தயாளன் அவர்கள் அனைவரையும் அன்புடன் அழைக்கிறார்.

துர்கா சிவகுமாருக்கு வாழ்த்துகள் கூறும் அதேவேளை இந்த அரங்கேற்றம் சிறப்பாக நடந்தேற உசன் ஐக்கிய மக்கள் ஒன்றியம் - கனடா வாழ்த்தி நிற்கிறது.

துயர் பகிர்வு – அமரர் தங்கம்மா நடராஜபிள்ளை

யாழ் உசன் மிருசுவிலைப் பிறப்பிடமாகவும், வசிப்பிடமாகவும் கொண்ட திருமதி தங்கம்மா நடராஜபிள்ளை அவர்கள் 2022.07.05 அன்று இயற்கை எய்தினார்.

அன்னார் காலஞ்சென்ற கணபதிப்பிள்ளை சின்னப்பிள்ளை தம்பதியினரின் அன்பு மகளும்,

காலஞ்சென்ற அருளம்பலம் நல்லம்மா தம்பதியினரின் அன்பு மருமகளும்,

நடராஜபிள்ளை அவர்களின் அன்பு மனைவியும்,

சின்னத்துரை, காலஞ்சென்ற சதாசிவம், சோதீஸ்வரி, சிவபாலன் ஆகியோரின் அன்புச் சகோதரியும்,

ஜனார்த்தனன் (ANJ BROS PVT LTD), ஜதுர்ஸன் (உள்ளுராட்சி திணைக்களம்) ஆகியோரின் அன்புத் தாயாரும்,

சிவதீபாவின் (பதிவாளர் நாயகம் திணைக்களம்) அன்பு மாமியாரும், 

ஆகில்யனின் அப்பம்மாவும் ஆவார். 

அன்னாரின் இறுதிக் கடமைகள் 2022.07.05 உசனில் நடைபெற்று மதியம் 12.30 மணியளவில் ஈச்சங்காடு இந்து மயானத்தில் தகனம் செய்யப்பட்டது. 

இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்ளப்படுகின்றீர்கள்.

தகவல் - குடும்பத்தினர். 

அன்னாரின் பிரிவால் உசன் ஐக்கிய மக்கள் ஒன்றியம் - கனடா கவலைகொள்வதுடன், அவரது ஆத்மா சாந்தியடையப் பிரார்த்தித்துக்கொள்வதுடன், பிரிவால் துயருறும் குடும்பத்தினருக்கு ஆழ்ந்த அனுதாபங்களைத் தெரிவித்துக்கொள்கின்றது.

துயர் பகிர்வு - திருமதி யோகாம்பாள் கணேஷன்

யாழ். உசன், மிருசுவிலைப் பிறப்பிடமாகவும், கொழும்பு, பம்பலப்பிட்டி தொடர்மாடி, Scarborough கனடா ஆகிய இடங்களை வசிப்பிடமாகவும் கொண்ட யோகாம்பாள் கணேஷன் அவர்கள் 16-06-2022 வியாழக்கிழமை அன்று கனடாவில் சிவபதம் அடைந்தார்.

அன்னார், காலஞ்சென்றவர்களான தம்பையா சின்னம்மா தம்பதிகளின் அன்பு மகளும்,

காலஞ்சென்றவர்களான கணபதிப்பிள்ளை நாகமுத்து தம்பதிகளின் அன்பு மருமகளும்,

காலஞ்சென்ற கணபதிப்பிள்ளை கணேஷன் அவர்களின் அன்பு மனைவியும்,

காலஞ்சென்றவர்களான முத்து நாயகம் காசிப்பிள்ளை, செல்லமுத்து பெரியதம்பி, கனகபூரணி கந்தையா ஆகியோரின் அன்புச் சகோதரியும்,

தேவகி (Perth, அவுஸ்திரேலியா), துவாரகி (Devon, பிரித்தானியா), ஜீவகி (Scarborough, Canada), றூபகி (Markham, Canada) ஆகியோரின் அன்புத் தாயாரும்,

சூரியகுமாரன், ராஜகுமார், ரட்ணகுமார், விக்னராஜா ஆகியோரின் அன்பு மாமியாரும்,

கருணாகரன், மனோகரன், பகீரதன், பகீரதி, தசரதன், ரவிரதன், மனோரதி, ஜெயரதி, ஞானரதி, தயானந்தன் ஆகியோரின் அன்புச் சிறிய தாயாரும்,

கணேஷ்குமார், ஹம்ஷா, ரோசாந்தி, தரன், ரமண், மதுரா, ஐங்கரன், ரிஷிகரன், நிவேதா ஆகியோரின் பாசமிகு அம்மம்மாவும்,

Ezra James, Marie Rosa, Genevieve Zara ஆகியோரின் அன்புப் பூட்டியும் ஆவார்.

RIPBOOK ஊடாக இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.

தகவல்: குடும்பத்தினர்

நிகழ்வுகள்

பார்வைக்கு

Monday, June 20, 2022 5:30 PM - 9:00 PM

Chapel Ridge Funeral Home & Cremation Centre 8911 Woodbine Ave, Markham, ON L3R 5G1, Canada

கிரியை

Tuesday, June 21, 2022 1:00 PM - 3:30 PM

Chapel Ridge Funeral Home & Cremation Centre 8911 Woodbine Ave, Markham, ON L3R 5G1, Canada

தகனம்

Tuesday, June 21, 2022 4:00 PM

Highland Hills Crematorium 12492 Woodbine Avenue, Gormley, Ontario, L0H 1G0, Canada

தொடர்புகளுக்கு

தேவகி - மகள்

Mobile : +61438980271

துவாரகி - மகள்

Mobile : +447396523628

ஜீவகி - மகள்

Mobile : +16472367334

றூபகி - மகள்

Mobile : +14372413005

அன்னாரின் ஆன்மா சாந்தியடைய உசன் ஐக்கிய மக்கள் ஒன்றியம் - கனடா பிரார்திக்கிறது. அன்னாரின் பிரிவால் துயருற்றிருக்கும் பிள்ளைகள் மற்றும் குடும்ப உறுப்பினர்கள் அனைவருக்கும் அனுதாபங்களைத் தெரிவிக்கிறது.

ஊரோடு ஒன்றிணைவோம்!

அன்பான உசன் மக்களே!

உசன் ஐக்கிய மக்கள் ஒன்றியம் கனடாவின் தற்போதைய நிர்வாகசபையின் ஆயுட்காலம் முடிவுக்கு வருகிறது. அடுத்துவரும் மூன்று வருடங்களுக்கான புதிய நிர்வாகசபையைத் தெரிவுசெய்யும் நேரம் வந்துள்ளது. July மாதம் 10 ஆம் திகதி 2022 ஆம் ஆண்டு ஞாயிற்றுக்கிழமை, 1575 Neilson Rd, Scarborough ON கனடா என்ற முகவரியில் அமைந்துள்ள Neilson Park ல் நடைபெறவுள்ள பொதுக்கூட்டத்தில் இந்தப் புதிய நிர்வாகசபை தெரிவுசெய்யப்படவுள்ளது.

கனடாவாழ் உசன் மக்களின் மகிழ்ச்சிக்கும், உசன் மண்ணின் வளர்ச்சிக்கும் உழைக்கக்கூடிய, சமூக சேவையில் ஆர்வமுள்ள அனைவரையும் புதிய நிர்வாகசபையில் சேர்ந்து நிர்வாகசபைக்குப் புத்துணர்ச்சி அளிக்க வருமாறு தற்போதைய நிர்வாகசபை அன்போடு வேண்டிநிற்கிறது.

நிர்வாகசபைக்கு 11 உறுப்பினர்கள் வேண்டும்.  எனவே 11 உறுப்பினர்களைக் கொண்ட குழுவாகப் பெயர்ப் பட்டியலைத் தயார்செய்து பொதுக்கூட்டத்தில் சமர்ப்பிக்குமாறு வேண்டுகிறோம்.  ஒன்றுக்கு மேற்பட்ட குழுக்களின் பெயர்ப்பட்டியல் சமர்ப்பிக்கப்பட்டால் உறுப்பினர்களின் வாக்கெடுப்புக்கு விடப்பட்டு அதிக வாக்குகள் பெறும் குழு தெரிவு செய்யப்படும்.

நிர்வாகசபையில் உள்வாங்கப்படுவதற்கும், வாக்களிப்பதற்கும் உசன் ஐக்கிய மக்கள் ஒன்றியம் - கனடாவில் அங்கத்தவராக இருக்கவேண்டும்.  38 அங்கத்தவர்களே தற்போது உள்ளனர். எனவே அங்கத்தவரல்லாதோர் மாதம் $10.00 செலுத்தும் அங்கத்துவ படிவத்தை உடனடியாகப் பூர்த்திசெய்து உங்கள் வங்கிக் கணக்கின் Void Cheque ஓடு சமர்ப்பிக்குமாறு அன்போடு வேண்டுகிறோம்.  மாதாந்தம் $10.00 உங்கள் வங்கிக் கணக்கிலிருந்து பெற்றுக்கொள்ளப்படும்.  அங்கத்துவ படிவம் தேவைப்படுவோர் செயலாளர் செமிலா பிரகலாதனுடன் 647-289-5998 என்ற தொலைபேசி இலக்கத்தில் தொடர்புகொள்ளவும்.

பொதுக்கூட்டம் பிற்பகல் 1 மணியளவில் ஆரம்பமாகும்.

பொதுக்கூட்டத்தைத் தொடர்ந்து ஒன்றியத்தின் கோடைகால ஒன்றுகூடல் இடம்பெறும்.  உறவுகளோடும், நண்பர்களோடும், ஊரோடும் ஒன்றாகக் கூடி மகிழ்ந்து வருடங்கள் இரண்டு ஓடிவிட்டன. இந்தப் பிரிவை முடிவுக்குக் கொண்டுவரும் நேரம் வந்துவிட்டது. ஒன்று சேர்ந்து மகிழ்ந்திருக்க காலம் கைகூடி வந்துள்ளது. வாருங்கள் கூடி மகிழ்ந்திருந்து குதூகலிப்போம்!  உசன் ஐக்கிய மக்கள் ஒன்றியம் கனடாவின் கோடைகால ஒன்றுகூடலில் சங்கமிப்போம்!

அனைத்து வயதினருக்குமான விளையாட்டுப் போட்டி இடம்பெறவுள்ளது.  விளையாட்டுப்போட்டியில் பங்கெடுத்து உங்கள் திறமையை வெளிப்படுத்துவதோடு பரிசுகளையும் வெல்லுங்கள்.

ஆண்கள், பெண்களுக்கான கயிறுழுத்தல் போட்டியில் கலந்துகொண்டு மகிழ்ந்திருங்கள்.

குழைசாதம், கொத்துரொட்டி, BBQ, hamburger, hotdog என்று பலவகை உணவுகளையும் உண்டு மகிழ உங்கள் அனைவரையும் அன்போடு அழைக்கிறோம்.  காலை 10 மணிக்கு வருவோருக்கு விசேட உணவும், தேநீரும் வழங்கப்படும்.

அங்கத்தவர்கள் அனைவரும் மேலதிக கட்டணமில்லாமல் இந்நிகழ்வில் கலந்துகொள்ளமுடியும்.  அங்கத்தவரல்லாதோர் 4 பேர் கொண்ட குடும்பமொன்றுக்கு குறைந்தது $60.00 செலுத்தி மகிழ்ந்திருக்க முடியும்.  பொருட்களின் விலை அதிகமாக இருப்பதால் விரும்பியோர் மேலதிக அன்பளிப்பு செய்யமுடியும் என்பதையும் சொல்லிக்கொள்ள விரும்புகின்றோம்.

இந்த நிகழ்வுக்கு அனுசரணை வழங்க விரும்புவோர் தலைவர் சுப்பிரமணியம் பாஸ்கரனுடன் 647-448-7434 என்ற தொலைபேசி இலக்கத்தில்தொடர்புகொள்ளவும்.

வாருங்கள், அடம்பன் கொடியும் திரண்டால் மிடுக்கு என்று மீண்டும் பறைசாற்றுவோம்!

நன்றி.

நிர்வாகசபை

உசன் ஐக்கிய மக்கள் ஒன்றியம் - கனடா